Sanidade espera vacinas gratuítas contra o covid para 10 millóns de persoas antes de maio

"É un paso prometedor e relevante pero queda moito por diante e hai que manter a garda moi alta", afirma Illa
Salvador Illa. R. RUBIO
photo_camera Salvador Illa. R. RUBIO

O ministro de Sanidade, Salvador Illa, considera que a vacina da farmacéutica Pfizer "é un paso prometedor e relevante" e calcula que España disporá de 20 millóns de doses que inmunizarían a 10 millóns de persoas desde finais de ano ou principios de 2021 de xeito gratuíto.

En declaracións en RTVE, Illa asegurou que confía que a principios de maio estea vacinada unha "poboación relevante" en España e que nesta semana se poidan asinar algúns contratos máis coa farmacéutica Pfizer e outras compañías para que as primeiras doses cheguen a principios de 2021 e se "todo fose moi ben" a finais de 2020.

Pendentes deses contratos, o Goberno calcula que se disporá de 20 millóns de doses que inmunizarían a 10 millóns de persoas a través do Sistema Nacional de Saúde.

O responsable de Sanidade non descartou que teña que establecerse a obrigatoriedade de vacinar, aínda que opina que non cre que sexa necesario e que "a xente entenda que é a mellor forma de acabar con enfermidades infecciosas".

"As vacinas serán gratuítas" e administraranse segundo os criterios de expertos aos grupos máis vulnerables e polos profesionais que lles atenden.

"É un paso prometedor e relevante pero queda moito por diante e hai que manter a garda moi alta" porque a situación "é moi preocupante".

Logo de meses duros empezamos a ver luz ao final do túnel", aseverou Illa, quen asegurou que o Goberno será contundente cos que "din mentiras e xogan á anticiencia".

Comentarios