As comunidades autónomas notificaron este martes ao Ministerio de Sanidade 7.118 novos casos de covid-19, 2.759 nas últimas 24 horas, o que supón un pequeno descenso con respecto aos 2.825 diagnosticados o luns. Con todo, no informe deste martes non veñen recollidos os datos de Andalucía "por problemas técnicos".
A cifra global de contagios elévase xa a 896.086 desde o inicio da pandemia, segundo as cifras oficiais. Nas últimas dúas semanas, ata 32.900 persoas iniciaron síntomas de coronavirus e foron diagnosticadas, 9.290 nos pasados sete días.
Dos 2.759 diagnósticos deste luns, 361 producíronse en Aragón, 139 en Asturias, 38 en Baleares, 56 en Canarias, 45 en Cantabria, 33 en Castela-A Mancha, 14 en Castela e León, 165 en Cataluña, 18 en Ceuta, 21 en Comunidade Valenciana, 142 en Estremadura, 253 en Galicia, 491 en Madrid, 21 en Melilla, 10 en Murcia, 363 en Navarra, 508 en País Vasco e 81 na Rioxa.
Na última semana faleceron 406 persoas con diagnóstico de covid-19 positivo confirmado en España, un retroceso en comparación cos 447 notificados este luns. Ata 33.204 persoas con PCR positiva faleceron desde que o virus chegou a España. No informe deste mércores engadíronse 80 novos falecementos.
Os 406 falecementos na última semana distribúense da seguinte forma: 57 en Andalucía, 36 en Aragón, sete en Asturias, un en Baleares, nove en Canarias, dous en Cantabria, 28 en Castela-A Mancha, 85 en Castela e León, sete en Cataluña, un en Ceuta, dez en Comunidade Valenciana, 17 en Estremadura, 23 en Galicia, 53 en Madrid, catro en Melilla, tres en Murcia, 24 en Navarra, 34 en País Vasco e cinco na Rioxa.
Actualmente, hai 11.297 pacientes ingresados por covid-19 en toda España (10.109 o luns) e 1.595 nunha UCI (1.546 o luns), aínda que nas últimas 24 horas producíronse 1.149 ingresos e 488 altas. A taxa de ocupación de camas ocupadas por coronavirus sitúase xa no 9,79 por cento e na UCI no 18,80 por cento.
Un total de 2.657 persoas precisaron de hospitalización por coronavirus nos pasados sete días (158.239 desde o comezo da pandemia): 415 en Andalucía, 244 en Aragón, 73 en Asturias, 14 en Baleares, 96 en Canarias, 12 en Cantabria, 60 en Castela-A Mancha, 652 en Castela e León, 68 en Cataluña, catro en Ceuta, 119 en Comunidade Valenciana, 68 en Estremadura, 150 en Galicia, 313 en Madrid, 10 en Melilla, 133 en Murcia, 179 en Navarra, un en País Vasco e 46 na Rioxa.
Neste período tamén se rexistraron 164 ingresos en Unidade de Coidados Intensivos (UCI), para unha cifra conxunta de 14.271 desde febreiro: 21 en Andalucía, once en Aragón, dous en Asturias, dous en Baleares, 20 en Canarias, tres en Cantabria, catro en Castela-A Mancha, 29 en Castela e León, tres en Cataluña, catro en Comunidade Valenciana, nove en Estremadura, 17 en Galicia, oito en Madrid, 16 en Murcia, once en Navarra, un en País Vasco e tres na Rioxa.
SALVADOR ILLA. O ministro de Sanidade, Salvador Illa, pediu ser "moi prudente" coa situación na Comunidade de Madrid, e instou a actuar "sempre con criterios sanitarios, como fan todos os países da nosa contorna, que están a tomar medidas contundentes para dobregar a curva". "Non imos entrar en politizacións nin en polémicas estériles, non imos entrar en reproches. Só imos falar de sanidade. Hai un problema de saúde pública que hai que abordar con criterios de saúde pública", sinalou Illa, referíndose a Madrid, en rolda de prensa este martes tras o Comité de Seguimento do Coronavirus. Illa insistiu en que "o único" que importa ao Ministerio de Sanidade é "a saúde pública".
"Coa saúde pública non se negocia", insistiu. "Non queremos cidadáns na UCI. Pensamos moito nos sanitarios, nas familias que teñen persoas enfermas e, xa que logo, isto lévanos a dicir que hai que actuar en clave sanitaria", insistiu. O ministro asegurou que o Goberno vai tomar todas as medidas necesarias para derrotar o virus. "Escoito moitos argumentos de esquerdas e de dereitas pero non escoito ningún argumento sanitario. Ao virus vénceselle con criterios sanitarios. Podemos cruzarnos de brazos ou gañarlle ao virus protexendo a todos os españois aínda que supoña sacrificios", apostilou.
