A Axencia Española de Medicamentos e Produtos Sanitarios (AEMPS), dependente do Ministerio de Sanidade, ordenou a retirada dun lote de Gelocatil 1 gramo tras detectarse erro na impresión da dose que aparece no sobre dalgunhas unidades e que informa de que a dose é de 650 miligramos.
En concreto, o lote afectado deste medicamento, cuxo principio activo é o paracetamol e está fabricado e comercializado por Ferrer Internacional, é N006, con data de caducidade en novembro de 2021.
Tras a retirada do mercado de todas as unidades, a axencia ordenou a devolución ao laboratorio polas canles habituais e ás comunidades autónomas realizar un seguimento da retirada.