Unha septuaxenaria falece tras inhalar gases de produtos de limpeza

A autopsia atribúe a súa morte a unha exposición prolongada a mestura de lejía con augaforte ou salfumán

Productos de limpieza. EP
photo_camera Produtos de limpeza. EP

Unha muller de 73 anos faleceu no municipio granadino de Cuevas del Campo tras inhalar produtos de limpeza, segundo confirmou a alcaldesa, Carmen Rocío Martínez, este mércores, cando tivo lugar o enterro. Foi o pasado luns pola tarde cando a septuaxenaria foi atopada morta na entrada da súa vivenda.

Un achegado á falecida alertou sobre as 19.15 horas aos servizos de urxencia, que á súa chegada non puideron facer nada para salvar a vida da muller, cuxo corpo non presentaba signos de violencia. Segundo avanza o diario Ideal, a vítima caeu esborrallada cando saíra a pedir axuda ao seu fillo. A autopsia posterior revelou que a súa morte se debeu a unha posible exposición prolongada aos gases emanados da mestura de lejía con augaforte ou salfumán.

A alcaldesa, Carmen Rocío Martínez, declarou que o pobo está "consternado" co ocorrido e envorcouse coa familia da falecida, "moi querida e respectada" na localidade.

Comentarios