A Cadena Ser indicou este mércores que o cómico David Suárez non volverá colaborar co programa Yu, no te pierdas nada de Los 40 Principales logo do seu "desafortunado" comentario relativo ás mulleres con síndrome de Down.
"Nós falamos coa dirección do programa para prescindir del", sostiveron a Efe fontes da Cadena Ser, despois de que o humorista publicase un tuit "totalmente desafortunado" en Twitter.
El otro día me hicieron la mejor mamada de mi vida. El secreto fue que la chica usó muchas babas. Alguna ventaja tenía que tener el síndrome de down.
— David Suárez (@DavidSuarez_V) 18 de abril de 2019
O pasado xoves Suárez escribiu na rede de microblogging a seguinte mensaxe: "O outro día fixéronme a mellor mamada da miña vida. O segredo foi que a moza usou moitas babas. Algunha vantaxe tiña que ter a síndrome de Down".
Este comentario, a pesar de non haberse producido en antena, provocou que a Ser decida prescindir das colaboracións do humorista.
O Comité Español de Representantes de Persoas con Discapacidade (Cermi) denunciou ao cómico ante a Policía por este comentario "vexatorio" que "atenta contra a dignidade e integridade moral das persoas con discapacidade, as ridiculiza e incita ao odio".
O cómico respondeu á polémica a través dun comunicado:
Comunicado sobre el tuit que publiqué el pasado 18 de abril. pic.twitter.com/DfiEkzEpqG
— David Suárez (@DavidSuarez_V) 24 de abril de 2019
