A compañía aeroespacial SpaceX, fundada por Elon Musk, levará ao primeiro turista ao espazo para que voe ao redor da Lúa nun dos seus vehículos, anunciou en Twitter tras alcanzar un acordo con ese turista espacial .
"SpaceX asinou co primeiro pasaxeiro privado do mundo para que voe ao redor da Lúa a bordo do noso vehículo de lanzamento Big Falcon Rocket (BFR)", sinalou a empresa na súa mensaxe.
24 humans have been to the Moon in history. Non one has visited since the last Apollo mission in 1972. https://t.co/gtC39uBC7z<> — SpaceX (\SpaceX) 14 de setembro de 2018<>
A compañía anunciará a identidade deste turista o vindeiro luns 17 de setembro.
SpaceX asegurou que se trata dun "importante paso" para que "a xente común que soña con viaxar ao espazo" poida facelo no futuro.
Concibida como unha empresa con enormes ambicións a longo prazo como a de conseguir levar seres humanos a Marte, SpaceX encargarase o ano próximo de trasladar ao espazo na súa nave Crew Dragon ou Dragon 2 a catro astronautas da Nasa.
SpaceX e Boeing foron as compañías contratadas pola Nasa para recuperar as viaxes ao espazo desde chan estadounidense por medio da colaboración entre o sector público e o privado.
