A vicepresidenta do Goberno, Carmen Calvo, asegurou este xoves que o presidente Pedro Sánchez deu permiso para que a súa tese doutoral se difunda "colgándose todo o texto" en internet. Segundo Calvo, a tese do presidente do Goberno "estará na súa total integridade textual para que non teña que ir un a un a vela".
O Executivo responde así ás acusacións, consideradas "rotundamente falsas" por Pedro Sánchez, de que a súa tese doutoral sexa un plaxio. O presidente anunciou que emprenderá accións legais en defensa da súa honra e dignidade, aínda que Ciudadanos e PP pediron a súa comparecencia no Congreso para aclarar as dúbidas.
