Trapero, sobre a súa destitución: "Todo o mundo podería telo feito mellor" 

Xa contactou cos xefes da Garda Civil e a Policía Nacional para pór o corpo de Mossos á súa disposición
Trapero. EFE
photo_camera Trapero. EFE

O maior dos Mossos d'Esquadra, Josep Lluís Trapero, asegurou este venres, na súa primeira intervención tras volver como principal mando da policía catalá, que traballará para intentar "mellorar a confianza institucional" no corpo. 

Nunha rolda de prensa no Complexo Central dos Mossos, en Sabadell (Barcelona), xunto ao conseller de Interior da Generalitat, Miquel Sàmper, e arroupado pola plana maior de mandos da policía catalá, valorou o momento en que foi destituído e o contexto do outono de 2017: "Todo o mundo podería telo feito mellor, e eu o primeiro, e traballarei para iso", para recuperar a confianza institucional. 

Explicou que xa se puxo en contacto co xeneral xefe da Garda Civil e o xefe superior da Policía Nacional e anuncioulles a súa vontade de verlles e pór o corpo de Mossos á súa disposición: "Atopeime a mellor das respostas". 

Comentarios