O tribunal supremo do estado norteamericano de Pensilvania publicou este martes un informe no que acusa a máis de 300 "sacerdotes depredadores" de abusar sexualmente a máis de 1.000 vítimas menores de idade. O informe investigou casos de abuso sexual que se remontan ata 1947 en seis diocese: Allentown, Erie, Greensburg, Harrisburg, Pittsburgh e Scraton.
"Os sacerdotes violaron a nenos e nenas e os homes de Deus que eran os seus responsables non só non fixeron nada, senón que o ocultaron durante décadas", afirmou o informe, segundo a cadea estadounidense CNN. "Monseñores, bispos auxiliares, bispos, arcebispos e cardeais foron protexidos na súa maioría", aseverou.
O tribunal informou de que "case todos os casos de abusos que atopamos son demasiado vellos para ser axuizados". Con todo, presentáronse cargos contra dous sacerdotes, un da diocese de Erie e outro de Greensburg, que foron acusados de abusar de menores.
O fiscal xeral de Pensilvania, Josh Shapiro, asegurou que se trata do "informe máis amplo e exhaustivo sobre o abuso sexual infantil dentro da Igrexa católica xamais producido en Estados Unidos".
