Os vaqueiros, a peza básica imprescindible en calquera armario, reinvéntanse. Despois de que o vaqueiro tanga —o pantalón sen pantalón— deixase coa boca aberta aos amantes do denim, unha nova peza revolucionou as redes e indignou a gran parte dos internautas, máis que nada polo seu elevado custo: os vaqueiros braga, uns shorts con forma de roupa interior que custan case 300 euros.
A idea, lanzada ao mercado pola firma parisiense Y/Project, acumula numerosas críticas nas redes sociais, tanto pola súa estética como polo seu prezo (295, exactamente), e tamén numerosos chistes e comentarios xocosos. "Non mos poría nin aínda que me pagasen", "Xamais levaría algo así posto" ou "Veñen cun cartón de socio do ximnasio" son só algúns dos numerosos comentarios que acumula o modelo.