Vox chega ao Congreso: Abascal senta detrás do presidente do Goberno

Os deputados da formación ultradereitista foron os primeiros en chegar ao Hemiciclo

Diputados de Vox, en la bancada socialista. BALLESTEROS (EFE)
photo_camera Deputados de Vox, na bancada socialista. BALLESTEROS (EFE)

Os deputados de Vox foron dos primeiros en chegar ao Congreso dos Deputados, que este martes acolle a sesión de constitución da lexislatura, e o seu líder, Santiago Abascal, decidiu sentar no escano que tradicionalmente ocupa o portavoz do grupo socialista, xusto detrás do presidente do Goberno. 

O parlamentario do PSC José Zaragoza, de feito, está sentado entre Abascal e o deputado e Vox Iván Espinosa de los Monteros, o que deparou unha das primeiras imaxes inesperadas da sesión, que se inicia ás 10.00 horas.

Os deputados están a chegar ao Congreso desde primeira hora e acceden ao hemiciclo para ocupar os escanos que vexan baleiros, xa que non están asignados aínda.

O grupo popular está a colocarse pola súa zona habitual, do mesmo xeito que Ciudadanos na anterior lexislatura.

Comentarios