A marca chinesa de telefonía Xiaomi anunciou o lanzamento dun novo móbil orientado ao público feminino e a súa ocorrencia desatou a indignación nas redes sociais. O principal trazo diferenciador deste novo dispositivo 'só para mulleres' é que incluirá aplicacións orientadas a incrementar a beleza da usuaria e a potenciar os selfies.
Esta idea do fabricante non sentou nada ben ao seu público potencial, que alagou as redes de comentarios críticos e sarcásticos. "É o que necesitei TODA A miña VIDA. GRAZAS XIAOMI. ¿Como puiden vivir sen un móbil PARA MULLERES? E eu utilizando un móbil de homes...foder", escribía unha tuiteira con ironía, mentres que outra apuntaba: "Espero que sexa rosa para que a miña man de muller poida collelo".
Nesa liña, outra usuaria de Twitter preguntábase: "¿Pero non leva compartimento para almacenar maquillaxe?", ao que respondía outra preocupada polo feito de que "non veña tamén con espelliño e perfumeiro".
Nun ton máis serio, outra internauta escribía na mesma rede social: "Non teño nin palabras, parece que damos un paso cara adiante e 20 cara atrás... Supoño que se é un móbil "só para mulleres", tamén será en cor rosa, traerá robot de cociña e consellos matrimoniais, ¿non? Non sei se estou máis triste que encabuxada..."
Tamén homes sumáronse ao reproche maioritario e catalogaron a iniciativa de "sexista".
