Uns 150 mozos realizarán unha viaxe de estudos e aventura para revivir a historia do Apóstolo Santiago. Serán 10 días nos que percorrerán varios escenarios que foron testemuñas da súa última viaxe, empezando pola súa expedición en Braga e ata chegar capital galega o 25 de xullo.
Trátase da Expedición Traslatio, un evento que foi presentado este mércores en Vilanova de Arousa polo director da Ruta Quetzal, Íñigo da Quadra-Salcedo, e a directora de Turismo de Galicia, Nava
Na súa intervención, Castro explicou que durante os 10 días que durará os participantes poderán percorrer a Comunidade galega por paraxes e escenarios que fomentaron o nacemento do Camiño de Santiago.
Poderán percorrer a Comunidade galega por paraxes e escenarios que fomentaron o nacemento do Camiño de Santiago
"O itinerario da Ruta Quetzal por América e Europa recala agora en Galicia. Para moitos dos que participaron nela, a viaxe supuxo un antes e un despois. Oxalá nesta ocasión suceda o mesmo e gocedes da eternidade nas nosas paisaxes, do azul do noso mar e do verde dos nosos campos" concluíu a directora de Turismo de Galicia.
O programa da Ruta Quetzal foi creado en 1979 polo xornalista Miguel da Quadra-Salcedo co obxectivo de consolidar entre a mocidade de 16 e 17 anos os cimentos da Comunidade Iberoamericana de Nacións entre todos os países de fala hispana, incluídos Brasil e Portugal. Leva máis de 30 edicións combinando o estudo e a aventura entre máis de 10.000 xoves de ata 60 países.
