Canal Cocina, producido por AMC Networks International, estrea en exclusiva este xoves, ás 21:00 horas, El Camino de Santiago by Julius, unha nova produción propia na que o coñecido cociñeiro e presentador Julius Bienert descobre os sabores tradicionais e únicos desta ruta milenaria.
Como un peregrino máis, Julius percorrerá os principais puntos do Camiño Francés, desde Saint Jean Pied de Port en Francia ata o destino final da ruta xacobea, segundo recolle o comunicado emitido este luns por Canal Cocina. A aventura dará comezo en Navarra, seguirá en La Rioja, máis tarde en Castilla y León e finalizará en Galicia.
Na ruta, Bienert irá descubrindo, "pobo a pobo, receitas cociñadas a lume lento, pratos únicos no mundo e sobremesas tan descoñecidas como saborosos" ao longo dunha aventura de 800 quilómetros a pé cun obxectivo concreto: "Alcanzar o ceo a través dos sabores máis característicos da ruta milenaria".
¿Quieres recorrer el CAMINO DE SANTIAGO con JULIUS? 🚶
— canalcocina (@CanalCocina) June 27, 2021
No te pierdas la nueva serie en CANAL COCINA.
ESTRENO 1 JULIO · 23:30H 📺https://t.co/V75AbuMnVe #elcaminodesantiagobyjulius pic.twitter.com/yJnmgx1yKB
Cada parada será unha inmersión nos coñecementos gastronómicos ancestrais transmitidos pola xente local. Á súa vez, a simpatía de Julius e traxectoria profesional farán que cada pobo aprenda del novas técnicas e versións dos seus pratos máis tradicionais.
Ao longo dos 22 programas de 25 minutos cada un, o presentador visitará os lugares máis coñecidos de cada un dos pobos visitados, elaborará unha receita en casa de veciños do lugar, achegarase ás cociñas dun restaurante típico ou negocio familiar, e realizará unha elaboración ou degustación nun ambiente festivo e ao aire libre. En definitiva, un novo espazo no que a gastronomía, a tradición e a cultura fusiónanse con impresionantes paisaxes de pano de fondo.
