martes. 26.01.2021 |
El tiempo
martes. 26.01.2021
El tiempo

As sete cidades galegas iluminarán edificios e monumentos con motivo do Xacobeo

Catedral de Lugo iluminada. EP
Catedral de Lugo iluminada. EP
A Xunta prorroga a iniciativa Acende ou Xacobeo ata o 25 de xullo

A Xunta prorrogou a iniciativa Acende O Xacobeo para que edificios e monumentos insignes das sete principais cidades galegas continúen iluminados con motivo do Ano Santo 2021 desde este fin de semana ata o próximo 25 de xullo, Día do Apóstolo e de Galicia. 

A través dun comunicado, o Goberno galego explica que durante os fins de semana A Coruña, Ferrol, Lugo, Ourense, Pontevedra, Vigo e Santiago de Compostela iluminarán "polo menos un edificio emblemático" no marco desta campaña. 

A idea é celebrar un Ano Santo 2021-2022 "descentralizador e aberto", segundo indica a Xunta, que ademais destaca "a exitosa" acollida da iniciativa Acende O Xacobeo, que xa en decembro chegou a máis dun centenar de lugares singulares de toda España. 

Para levar a cabo a campaña, os concellos das sete urbes facilitan os puntos de luz necesarios. Algúns dos monumentos —a Torre do Reloxo da Catedral de Santiago, a Cidade da Cultura, a Torre de Hércules, a Catedral de Ourense e o Convento de San Francisco de Pontevedra— manteñen a iluminación desde principios de mes, mentres que outros comezarán este fin de semana ou o que vén. 

Por outra banda, a Xunta informou de que este venres se resolveu o concurso de em <>selfies organizado nas redes sociais de Turismo de Galicia e o Camiño de Santiago para promover a iniciativa de iluminación artística de edificios na ruta xacobea. 

Este certame, no que foron premiados os tres mellores autorretratos que tiñan como fondo algún destes monumentos, conseguiu 13.024 interaccións de usuarios das redes sociais Facebook, Instagram e Twitter, cunha audiencia estimada de 1,6 millóns de persoas. 

Ademais, este concurso, llevado a cabo entre os días 22 e 31 do pasado mes de decembro en todo o territorio español, recibiu 290 comentarios positivos e o seu contido foi compartido 1.081 veces. 

As sete cidades galegas iluminarán edificios e monumentos con...
comentarios