lunes. 23.05.2022 |
El tiempo
lunes. 23.05.2022
El tiempo

Entra en servizo unha rede de 28 fontes públicas de auga potable no Camiño Inglés

Una mujer se refresca con agua de una fuente. AEP
Una mujer se refresca con agua de una fuente. AEP
A iniciativa presentada en Abegondo inclúe a 18 concellos no proxecto deste percorrido que ten o seu punto final na zona de San Caetano, en Santiago de Compostela

Os 18 concellos galegos polos que pasa o Camiño Inglés a Santiago contan desde este martes cunha rede de 28 fontes públicas de auga potable para o uso dos camiñantes e dos veciños.

As autoridades responsables do proxecto participaron este martes na inauguración dunha destas fontes, a que marca o final do Camiño, situada na zona de San Caetano, en Santiago de Compostela.

No acto participou o alcalde de Abegondo, José Antonio Santiso, promotor da iniciativa, así como a directora de Augas de Galicia, Teresa Gutiérrez, a subdirectora da Consellería de Sanidade, Inés Mato, do deputado de Economía, Facenda e Persoal da Deputación da Coruña, Antonio Leira, e de representantes do Concello de Santiago de Compostela, do equipo de seguimento do proxecto Life e da Asociación de Concellos do Camiño Inglés. 

Ao mesmo tempo que en Santiago, cada municipio participante no proxecto tamén procedeu a inaugurar a súa respectiva fonte de auga. En concreto, están situadas, ademais de en Santiago, en Ordes, Carral, Mesía, Oroso, Betanzos, Abegondo, Miño, Paderne, Cambre, A Coruña, Ferrol, Narón, Cabanas, Culleredo, Pontedeume e Fene e Neda. 

Para levar a cabo esta iniciativa foi necesaria a colaboración de distintas administracións, entre elas as consellerías de Infraestruturas e Mobilidade e de Sanidade, a Deputación Provincial da Coruña, o Concello de Abegondo, a ADR Mariñas-Betanzos ou a Fundación Instituto Tecnolóxico de Galicia.

O orzamento global da intervención ascende a máis de 973.000 euros, dos que os socios citados achegan case 604.000 euros e o importe restante, é dicir, uns 370.000 euros, son proporcionados a través de fondos europeos. 

O obxectivo é conformar unha rede piloto formada por 28 fontes de auga para o consumo humano, cubrindo as necesidades dos usuarios do Camiño de Santiago Inglés, aínda que tamén é apta e accesible para servir á poboación local. 

O deseño de todas as instalacións é uniforme, seguindo o prototipo para fontes naturais, deseñado especificamente polo Instituto Tecnolóxico de Galicia no marco desta acción. As fontes dispoñen de billas con protector en aceiro inoxidable satinado e pulsador temporizado, cubertas de granito e laterais de piñeiro.

PROXECTO LIFE WATER WAY. As administracións participantes, a través desta iniciativa materializada mediante o proxecto europeo Life Water Way, buscan mellorar a calidade da auga de consumo humano cun novo concepto de fontes públicas, garantir a súa calidade sanitaria e incidir directamente na saúde das persoas que percorren o Camiño.

Aínda que a rede piloto foi concibida principalmente para cubrir as necesidades de auga dos usuarios do Camiño Inglés, é tamén apta e accesible para satisfacer as necesidades da poboación local. Así mesmo, o proxecto pretende fomentar un uso máis sostible da auga nas sendas naturais e nos itinerarios culturais europeos. 

Entra en servizo unha rede de 28 fontes públicas de auga potable no...
comentarios