Chenoa e Sidecars serán os encargados de dar o pistoletazo de saída ao entroido de Vigo con dous concertos gratuítos.
A extriunfita abrirá o programa do entroido vigués cunha actuación o día 1 ás 20.30 horas na Porta do Sol, mentres que o grupo de rock soará ao día seguinte, na mesma localización, pero ás 22.00 horas.
Logo de tres anos do lanzamento do seu último álbum, Chenoa volve cun single que é toda unha declaración de intencións: A mi manera.
Pola súa banda, os madrileños Sidecars ofrecerán na cidade olívica o pop-rock do seu último traballo, Cuestión de gravedad, logo dunha xira de inverno con case medio centenar de concertos por toda España.
