O consello reitor do Instituto Municipal Coruña Espectáculos (IMCE) acordou aprazar ao próximo ano o concerto de Loquillo, no Coliseum. Tamén se aprazou a actuación de Óscar Rosende & Great Straits, no Teatro Colón, debido á crise do coronavirus.
Ademais, no encontro tamén se abordaron outros asuntos como a aprobación da prórroga do contrato para o servizo de proxeccións do cine no Fórum Metropolitano.
Pola súa banda, Iago Martínez, como membro de Marea Atlántica no citado consello, instou ao goberno local a reaccionar e facer da cidade "un porto refuxio para a cultura" ante a crise sanitaria e reclamando medidas neste sentido.
