Os éxitos latinos Despacito e Gasolina forman parte da lista das 100 mellores cancións do século XXI ata agora publicada pola revista estadounidense Rolling Stone na súa edición de xullo. A listaxe, deseñada por artistas, produtores, críticos e expertos da industria discográfica, lidérao Crazy in love
"O resultado é un excelente reflexo dun período incrible na historia da música", apunta a publicación, que admite que a súa lista editorial "pode parecer un pouco diferente".
O tema Despacito, que o cantautor portorriqueño Luis Fonsi interpreta xunto ao seu compatriota Daddy Yankee e liderou durante semanas as listas de éxitos e de reproducións en Youtube, sitúase no número 91. A versión elixida é o remix que inclúe a Justin Bieber.
Daddy Yankee repite no número 100 do ranking con Gasolina, que a publicación considera que representou "un punto de inflexión no ascenso do reguetón cara ao dominio mundial". No posto 85 figura My Shot, unha canción que o dramaturgo, compositor e actor Lin-Manuel Miranda, nacido en Nova York e de orixe portorriqueña, escribiu para o musical Hamilton.
Por diante, no 59, situouse Bodak Yellow, interpretada por Cardi B, unha rapeira nacida no Bronx de nai dominicana e pai de Trinidad e Tobago. Rolling Stone destaca que nos anos 2000 produciuse unha "cantidade de música incrible" e "tivemos a sorte de ver pasar a algunhas superestrelas" que van desde Beyoncé ata Drake, pasando por Jack White e Adele, así como grandes do século pasado como Beck, Outkast e U2.
Pechando a selección das cinco primeiras cancións, tras o reinado de Beyoncé, sitúase o seu marido, Jay-Z, con 99 Problems. Entre medias, están Paper Plans, de M.I.A. (2): Seven Nation Army, de The White Stripes (3); Hey Ya!, de Outkast (4).
O grupo conta tamén con grandes voces femininas dos últimos anos: Bad Romance de Lady Gaga (21), Rehab, da falecida Amy Winehouse (20) ou Rolling in the Deep (8), de Adele.
