A testemuña protexida da Operación Nécora, Manuel Fernández Padín, asegurou este luns que está disposto a paralizar a emisión da serie de Antena 3, Fariña.
A produción está baseada no libro de Nacho Carretero do mesmo nome, que agora está secuestrado a petición do exalcalde do Grove, José Alfredo Bea Gondar, que cre que se vulnerou o seu dereito á honra.
Fernández Padín leu o libro, segundo sinala en Faro de Vigo, hai dous meses e espera, segundo as súas propias declaracións, que non saian escenas coas que non está de acordo xa que vai defender "a súa honra e credibilidade como testemuña protexida".
