O mundo da música viuse conmocionado pola tráxica morte da artista de 21 anos Sara Carreira nun accidente de coche. Era unha das grandes promesas do pop en Portugal e moitos vían nela unha gran proxección internacional.
A moza sufriu un grave accidente a menos dunha hora de Lisboa, á altura de Póvoa da Isenta. Faleceu no acto.
Carreira era filla do artista portugués Tony Carreira. Viaxaba no seu Range Rover xunto á súa parella, Ivo Lucas, que conducía, e que sufriu só a rotura dun brazo.
Os seus seguidores encheron a súa conta de Instagram de mensaxes de condolencias.
