Sabela Ramil viviu outra gran noite en Operación Triunfo. A concursante das Pontes estivo entre os tres máis votados polo público do concurso e tamén recibiu unha gran valoración por parte do xurado.
Trátase da terceira semana que Sabela está entre os favoritos, nesta ocasión recibiu o 14,2% dos apoios. Con todo, o título de gran favorito foi para Famous, que contou co 31,4% dos votos.
A pontesa defendeu na gala 7 de OT a canción No olvidarme de olvidar, xunto a Miki. Unha interpretación coa que a galega conquistou ao xurado. "Gustáchesme tanto como a túa camiseta, moito", empezou a valoración de Joe Pérez-Orive.
"Estás a demostrar versatilidade, poderío. Volviches brilar. Debes seguir intentando mellorar e loitar. Non estás nos primeiros postos de cabeza pero estaste achegando perigosamente e iso é bo", continuou o Joe, antes de pedirlle a Sabela que cruzase a pasarela para continuar, polo menos, dúas semanas máis no concurso.
EXPULSIÓN E NOMINADOS. Na gala deste mércores abandonou o concurso Noelia, nun duelo moi rifado con Marilia, que se salvou co 50,2% dos votos.
En conto aos nomeados da noite, o xurado propuxo para abandonar a academia a Miki, Carlos, Marilia e Julia. Os profesores salvaron a esta última e os concursantes a Miki, polo que Carlos e Marilia xogaranse a súa continuidade na academia na gala da semana que vén.