A serie Hierro, dirixida polo rabadense Jorge Coira, conseguiu o premio Iris ao mellor guion, que recae no seu irmán Pepe Coira, Fran Araújo, Coral Cruz e Carlos Portela. Os XXI Premios Iris da Academia das Ciencias e as Artes de Televisión e do Audiovisual entregáronse este luns no Teatro Novo Alcalá de Madrid, nunha gala presentada por Inés Ballester e Jota Abril e dedicada á evolución do medio televisivo.
🎤 Los guionistas de la serie #Hierro agradecen su #PremioIris de la @academia_tv ¡Enhorabuena! @MovistarPlus pic.twitter.com/EVFGHd8iwc
— PremiosIris (@PremiosIris) November 18, 2019
Hierro (Movistar+), na que Candela Pena interpreta unha xuíza implacable e Darío Grandinetti a un empresario con moito que ocultar, suma esta distinción ao Ondas á mellor serie recollido hai só uns días polos irmáns Coira.
O fenómeno español de Netflix La casa de papel foi un dos principais protagonistas dos Premios Iris da Televisión ao vencer nas cinco principais categorías nas que estaba nomeada: mellor ficción, actor (Álvaro Morte), actriz (Alba Flores), dirección (Jesús Colmenar) e produción.
No resto de categorías, David Broncano foi elixido como mellor presentador por La resistencia e Carlos Franganillo, que hai pouco recolleu as Ondas, agora álzase co Iris a mellor presentador de informativos polo Telediario da noite de TVE.
A corporación de RTVE tamén triunfou na categoría de mellor programa grazas a Cachitos de ferro e cromo e na de mellor programa infantil co especial dos Lunnis, Lunnis de Lenda, Museo do Prado. Por segundo ano consecutivo produciuse un empate a votos na categoría de mellor informativo, nesta ocasión entre Al rojo vivo (La Sexta), que repite tamén do pasado ano, e La 2 noticias.
Como mellor programa producido en España para unha canle temática ha triunfada España después de la guerra (Dmax), mentres que o veterano José María Sánchez Chiquito levou o premio á realización pola cobertura dos San Fermín 2019.
Dous formatos lonxevos da televisión española, Sálvame (Telecinco) e Cuéntame (La 1), foron premiados ex aequo co Premio da Crítica 2019 e foi Belén Esteban a encargada de recoller o premio para o seu programa.
Os Premios Iris do Xurado, que se coñecían antes da gala, recaeron en Toñi Moreno e na cadea La Sexta. Tamén recibiron as distincións do Xurado o programa de TVE Prodigios, o de CMMedia Los investigadores, á vez que a serie La víctima nº 8 (Telemadrid e ETB) alzouse co Premio a Mellor Dirección de Ficción Antonio Mercero.
Nesta mesma gala Matías Prats recibiu o Premio Jesús Hermida á traxectoria da man do seu fillo, Matías Prats Chacón, o noveno Iris que acumula o presentador.
Nas categorías autonómicas han triunfado María Rey de 120 minutos (Telemadrid) como mellor presentadora e El viaje (Aragón TV) como mellor programa.
