A organización do festival O Son do Camiño asegurou este xoves que a celebración do evento -previsto para mediados de xuño- segue "pendente das decisións en materia sanitaria que vaian tomando as Autoridades correspondentes".
Será en base ás recomendacións sanitarias e "unha vez pasado o Estado de Alarma", cando a organización do Festival (UTE Old Navy Port Producións SL Esmerarte Industrias Creativas SL) tomará as decisións que garantan a seguridade sanitaria que marque a normativa, e por suposto, todos os consumidores terán garantidos os seus dereitos, inciden nun comunicado.
Neste sentido, reiteran que será a organización a que comunique polas súas propias canles calquera decisión adoptada neste sentido e que levase mover a data do evento que debería ter lugar os días 19, 20 e 21 de xuño.
Neste sentido, rexeitan os rumores sobre un posible adiamento do festival ao último trimestre do ano e inciden en que as informacións que non parten da organización do Son do Camiño poden "xerar incerteza e intranquilidade entre os asistentes e os máis de mil traballadores que fan posible o Festival".
Na xornada do mércores, o alcalde de Santiago, Xosé Sánchez Bugallo, expuxo este que o Concello vería ben aprazar o festival O Son do Camiño, "para que teña maiores garantías".
O cartel do Son do Camiño para este 2020 conta con cantantes como Liam Gallagher, Bad Bunny, Daddy Yankee, Foals, The National ou Jason Derulo.
