O Sevilla proclamouse este venres hexacampeón da liga Europa tras superar por 3-2 ao Inter de Milán na final que se disputou en Colonia (Alemaña), nun torneo que pasará á historia polo seu atípico formato debido á pandemia de coronavirus.
Ao descanso fóronse con empate a dous goles tras un primeiro tempo eléctrico e con tantos, o primeiro do belga Romelu Lukaku que remontou o holandés Luuk de Jong cun dobrete antes de igualar de novo o uruguaio Diego Godín.
Xa na segunda metade o partido baixou o seu ritmo, pero o central brasileiro Diego Carlos logrou de chilena o 3-2 aos 74 minutos e animouno para a súa recta final, na que o equipo milanés intentouno ante un Sevilla moi gastado fisicamente pero que aguantou o resultado ata o final.
