O actual secretario técnico do Barcelona, o francés Eric Abidal, publicou unha fotografía na súa conta de Instagram xunto ao seu curmán, tras o transplante de fígado que levou a cabo no 2012, el como receptor e o seu familiar como doante.
Con la publicación de esta imagen quiero pedir respeto hacia mi primo Gerard y defender su honorabilidad.
— Eric Abidal (@EAbidalOfficial) 5 de xullo de 2018
Denuncio públicamente la actitud de algunos medios que siguen poniendo en duda la legalidad de una intervención que me salvó la vida¡Basta ya! pic.twitter.com/d8Nui1bJWQ
"Coa publicación desta imaxe quero pedir respecto cara ao meu curmán Gerard e defender a súa honorabilidade. Denuncio publicamente a actitude dalgúns medios que seguen pondo en dúbida a legalidade dunha intervención que me salvou a vida. ¡Xa abonda! Pido respecto para todos os que pasamos ou están a pasar por unha situación similar", sinala o exxogador do Barça na súa conta.
Nunha información publicada este mércores por El Confidencial desvélase que nas escoitas policiais ás que foi sometido o expresidente barcelonista Sandro Rosell no marco da investigación sobre branqueo, ouvíaselle falar cun tal "Juanjo" que comentaba co expresidente azulgrana que lle compraron un "fígado ilegal" a Abidal, cando este recaeu do cancro, para que lle fose trasplantado en abril de 2012.
Abidal foi sometido o 10 de abril de 2012 a un transplante de fígado dun doante vivo, que desde o primeiro momento o club e o xogador aseguraron que se trataba do seu curmán, no Hospital Clínic de Barcelona.
Na instantánea que aparece en Instagram vese a Abidal tendido na cama, e ao seu primo xunto a el nunha cadeira, vestido cun camisón branco e con intravenosas en ambos os brazos.
