O Athletic destituíu ao adestrador Eduardo Berizzo, que acumulaba trece partidos seguidos sen gañar en Liga, e relévao co técnico do segundo equipo, Gaizka Garitano, ex do Deportivo e con experiencia en Primeira División.
"O Athletic Club decidiu resolver o contrato que unía ao seu adestrador Eduardo Berizzo coa entidade. A partir de mañá mércores 5 de decembro, Gaizka Garitano será o responsable de dirixir o primeiro equipo do Athletic Club", informou este martes o Athletic, que agradece ao seu xa extécnico o seu labor.
Con Berizzo, o Athletic só gañou dous partidos dos quince que disputou no que vai de tempada, pero só un de Liga, o primeiro, competición na que o conxunto vasco acumula trece partidos seguidos sen gañar. Marca na historia do club do equipo e dun adestrador no banco branquivermello.
Despois foi a quenda de Julen Lopetegui, substituído no banco do Real Madrid polo arxentino Santiago Hernán Solari, ao que seguiu o arxentino Antonio Mohamed no Celta, relevado por Miguel Cardoso.
