Mercedes cumpriu coas expectativas no Red Bull Ring de Speilberg e, igual que nas últimas catro tempadas e a falta da carreira deste domingo (15.10 horas), volveu exhibir músculo e potencia e fíxose co dobrete na sesión de clasificación.
Desde que Austria regresou no 2014 ao calendario da F1, Mercedes marca o ritmo e recolle todos os éxitos en Austria. Non deixa nin as faragullas, tanto o sábado como o domingo. Despois do dobrete de Valtteri Bottas (pole) e Lewis Hamilton, todo apunta a que este luns unha frecha prateada volverá ao alto do caixón.
Nas tres tantas libres, só Sebastian Vettel puido discutir por poucas milésimas o dominio claro dos Mercedes, xa que no resto de escenarios, incluída a clasificación oficial, a marca alemá non permitiu sorpresa algunha.
Con todo, o alemán foi logo sancionado con tres posicións na grella de saída da carreira, polo que baixa da terceira á sexta posición.
A sanción imposta ao alemán polos comisarios débese a que obstaculizou ao español Carlos Sainz (Reanult) cando este entraba na primeira curva do Red Bull Ring, mentres se celebraba a Q3.
No que se refire aos españois, Carlos Sainz (Renault) sairá na novena posición; mentres que Fernando Alonso (McLaren) será décimo terceiro.
