O RC Deportivo oficializou este xoves o traspaso do internacional suízo Fabian Schär ao club británico Newcastle United, segundo publicaron ambos os equipos nas súas respectivas páxinas de intenet.
O xogador, que se desprazou a Inglaterra con permiso do Deportivo, defenderá a camiseta do Newcastle as tres próximas tempadas, ata 2021.
Schär foi incorporado polo Deportivo a tempada pasada procedente do club alemán Hoffenheim, tras abonar preto de tres millóns de euros.
Como integrante do club branquiazul disputou 27 partidos oficiais entre LaLiga e a Copa do Rei, marcou dous goles e facilitou outros dous.
O central non puido evitar o descenso do equipo galego a Segunda División e ese tropezón deportivo abriulle a porta de saída tras o Mundial de Rusia 2018, no que defendeu a camiseta da selección suíza.
O Deportivo agradécelle a súa entrega, sacrificio e traballo, a súa profesionalidade, respecto ao club e exquisito trato fóra dos terreos de xogo desde a súa chegada, á vez que lle desexa sorte no resto da súa traxectoria deportiva e persoal.
