Lonxe quedan aqueles tempos nos que o fútbol vivía nunha especie de realidade paralela en canto ao pago de impostos se refire. Segundo destapou El Mundo este luns, a Axencia Tributaria acaba de poñer os seus ollos en Neymar, uníndose así á longa lista de futbolistas investigados polo fisco nos últimos anos.
Tal e como informa este medio, Facenda abriu unha investigación para tratar de esclarecer as particularidades que rodearon a prima de renovación de Neymar co Barcelona en 2017 previa á súa mediática fichaxe polo PSG, que tivo lugar uns meses despois e que tamén se inclúe nas dilixencias iniciadas polo fisco.
Esta intervención resulta atípica, xa que "irrompeu por sorpresa no procedemento xudicial aberto que enfronta ao xogador brasileiro e ao Barça para liquidar as súas débedas pendentes", segundo despréndese da información publicada por El Mundo. Así mesmo, os técnicos de Facenda especificaron que o PSG non colaborou co caso como debería, pois estes solicitaron os papeis do traspaso do propio Neymar ao equipo parisiense e tan só recibiron como resposta un documento coas cifras tachadas por ser "confidenciais".
