A Axencia Tributaria devolveu dous millóns de euros a Cristiano Ronaldo en concepto de Ive pola cesión dos seus dereitos de imaxe ao empresario Peter Lim sen ter obrigación legal de facelo.
A multa que lle impuxo Hacienda ao xogador queda reducida a 16,7 millóns de euros dos 18,8 aos que ascendía nun principio. O dianteiro da Juventus xa desembolsara 13,4 millóns ás arcas públicas.
O pacto entre Ronaldo e a Axencia Tributaria queda selado a falta de formalizar a conformidade nunha vista ante a Audiencia Provincial de Madrid. O xogador recoñecerá catro delitos fiscais da etapa na que xogaba no Real Madrid e aceptará dous anos de prisión que non deberá cumprir.
