A delegación galega sumou dez medallas no Campionato de España de yolas, pertencente á Semana Abanca, que se celebrou en Marín. Club de Remo Tui, cun ouro, dúas pratas e un bronce, xunto co Club Remo Cedeira, cun ouro, unha prata e un bronce, foron os máis destacados.
Tui gañou en veteranos masculino, onde se fixo co ouro, por diante de Cedeira, que sumou unha prata.
Cedeira conseguiu o seu primeiro posto en cadete feminina, onde o bronce foi para San Felipe-Ferrol. O terceiro posto dos deportistas de Cedeira foi no mesmo grupo de idade, pero en masculino. Nesa mesma categoría Tui conseguiu unha medalla de prata.
En xuvenil foi Perillo o que se subiu aos máis alto do podio, con San Felipe-Ferrol no terceiro lugar do caixón.
O resto de medallas galegas foron na categoría absoluta, onde o club de Remo Tui fíxose cunha prata en mulleres e un bronce en homes.
Tras a disputa das finais B ás 9.00 horas da mañá, o prato forte, as finais A, comezaron ás 10.00 en augas da ría de Pontevedra á altura de Marín.
No medalleiro o mellor club foi Alacante, que se fixo con dous ouros e unha prata. Tui seguiulle cun ouro, dúas pratas e un bronce, mentres que Cedeira tamén destacou, no terceiro lugar, cun ouro, unha prata e un bronce.
O Club de Regatas de Perillo e o Club de Remeiros de Nalón sumaron un primeiro posto para situarse entre os máis importantes, seguidos do Real Club Náutico de Gandía -cunha prata e un bronce-, o Club de Remo Guadalquivir -cunha prata- e o Club de Remo San Felipe de Ferrol, que sumou dous bronces, completaron a clasificación do Nacional de Yolas.
A competición foi organizada polas Federacións Española e Galega de Remo e pertence ao sétimo ciclo da Semana Abanca.
