O español Javier Fernández proclamouse este sábado campión de Europa por sétima vez consecutiva ao conseguir a mellor nota no programa libre e superar aos rusos Mikhail Kolyada e Alexander Samarin.
O exercicio libre baseado en El Hombre de la Mancha, que lle outorgou o bronce nos pasados Xogos, deulle sorte no seu último Campionato de Europa disputado en Minsk.
"Non o sei se é unha cidade que me dá sorte, pero o que está claro é que é unha cidade que non vou esquecer nunca", dixo un emocionado Javier Fernández xa coa medalla de ouro colgada do seu pescozo.
Fernández despídese da competición do mellor xeito posible
"O éxito é dos meus adestradores, da miña familia e toda a xente que me apoiou en España e en todo o mundo", engadiu o español na entrevista institucional da organización do campionato.
Con dous títulos mundiais na mochila, sete europeos, unha medalla de bronce olímpica, innumerables triunfos no Grand Prix e oito campionatos de España, Fernández comentou hai tempo que "sería unha agonía" preparar outro ciclo olímpico ao completo porque, confesou,que empezaba a acusar o paso dos anos.
Fernández despídese da competición do mellor xeito posible, desde o máis alto do podio.
