O piloto Jorge Prado (KTM) celebrou a consecución do título mundial de motocrós na categoría de MX2 coa vitoria nas dúas mangas do Gran Premio de Italia, disputado este domingo. O galego impúxose na primeira manga por diante de Thomas Kjer Olsen e Henry Jacobi, logo de lograr o Holeshot e adiantar a Hunter Lawrence. O australiano pasou do primeiro posto á praza 36 ao finalizar a carreira tras romper o motor da súa montura logo de varias voltas rodando por diante do lucense.
Na primeira volta desta primeira manga, un piloto chocou contra Prado na cuarta curva e relegou ao galego ata a cuarta praza, desde onde remontou ata alzarse coa vitoria final.
A segunda manga finalizou coa vitoria de Jorge Prado por diante de Hunter Lawrence, Covington e Olsen, que foron, quen ocuparon no podium a terceira e a segunda praza, respectivamente, ao finalizar o Gran Premio de Italia disputado este fin de semana no Autodromo Internazionale Enzo e Dino Ferrari de Imola.
A clasificación final do campionato do mundo de MX2 finalizou co lucense Jorge Prado García en primeira posición, con 873 puntos. A segunda praza ocupouna Pauls Jonass, de Letonia, con 777 puntos. O terceiro lugar foi para Thomas Kjer Olsen, con 673 puntos.
Prado logra así un fito para o motociclismo español, ao ser o primeiro piloto en conseguir o título de Campión do Mundo en MX2, e dá ao motocrós a ansiada vitoria que desde hai anos esperaba a afección.
