O centrocampista galego Pedro Mosquera converteuse na sétima fichaxe da Sociedade Deportiva Huesca, cuxo plantel as dúas próximas tempadas.
O futbolista coruñés, de 31 anos, pecha unha etapa no RC Deportivo e únese ao equipo azulgrana para achegar a súa ampla experiencia, avalada por 150 partidos en Primeira e máis de 50 en Segunda.
Mosquera despediuse do club cunha carta nas redes sociais na que indicou que "o escudo está por encima de calquera xogador".
"Hai catro anos cheguei con toda a ilusión que calquera neno coruñés soña desde pequeno: poder xogar no Real Club Deportivo", escribiu o xogador.
"Desde que cheguei sempre crera nunha despedida diferente, pero a vida trata diso, de seguir o camiño que ás veces se che presenta e outras veces decides. Eu sempre decidín querer e respectar ao Deportivo, intentando dar exemplo dentro e fóra do campo", engadiu.
Mosquera asegurou que aprendeu "moitas cousas" neste período como branquiazul no que pasou "momentos buenísimos e momentos durísimos" dos que "sempre" sacou "cousas positivas".
"O escudo está por encima de calquera xogador, como eu, de corpos técnicos, directores deportivos e dirixentes. é a miña ilusión, como deportivista, volver ver ao Dépor en Primeira e loitar por cotas tan altas como as que xa vivimos, non fai moito, aquí na Coruña. Que nunca ninguén nos quite esa ilusión", publicou o centrocampista.
Mosquera, que perdeu protagonismo no Deportivo nas tres últimas tempadas tras sobresaír na primeira, mostrouse agradecido "á familia, amigos, compañeiros, traballadores do club e a afección incondicional".
