O Comité de Competición sancionou con 1.500 euros de multa a Iago Aspas, polas críticas á actuación do árbitro Munuera Montero no encontro entre o Valencia e o Celta disputado o pasado 29 de xaneiro.
"Este árbitro debe de ter algo en contra do Celta. Que non nolo manden máis, non é normal o que fai", declarou o de Moaña entón. Posteriormente, o Comité Técnico de Árbitros denunciou o caso ante o Comité de Competición, segundo informa iusport.com.
