Nadal lesiónase no adestramento e non pode xogar a semifinal de París

O español alcanzara as semifinais sen perder un set e demostrando un elevado nivel de tenis
Rafa Nadal. EFE
photo_camera Rafa Nadal. EFE

O español Rafael Nadal lesionouse no adestramento previo á semifinal do Másteres 1.000 de París, polo que non poderá xogar contra o canadense Denis Shapovalov para acceder á final. Desde 2006, é a novena vez que o español non pode completar a súa participación no último Másteres 1.000 do ano, un dos tres que faltan no seu palmarés e no que a súa mellor actuación foi a final que disputou en 2007.

A final medirá o domingo a Shapovalov contra o serbio Novak Djokovic, que derrotou ao búlgaro Grigor Dimitrov 7-6(5) e 6-4. O serbio, que perderá o número 1 do mundo o vindeiro luns en favor de Nadal, ten así opcións de recuperalo no Finais ATP de Londres.

Djokovic, xogará a súa sexta final en París, a segunda consecutiva, en busca do seu quinto título.

Nadal, que esta tempada se clasificou para semifinais de todos os torneos que disputou menos o de Acapulco, volve demostrar a súa mala serie no torneo baixo teito da capital francesa. O español alcanzara as semifinais sen perder un set e demostrando un elevado nivel de tenis, sobre todo grazas a un eficiente servizo.

Comentarios