A imaxe de Leo Messi co traxe do FC Barcelona converteuse en viral. O arxentino utilizou o uniforme do deseñador estadounidense Thom Browne na súa viaxe da capital condal a Londres e non dubidou en subir unha instantánea ás súas redes sociais que, ademais de atraer todo tipo de comentarios dos seus compañeiros de profesión, xa acumula máis de 5,5 millóns de 'Me gusta' en Instagram.
Aínda que outros xogadores tamén vestiron o traxe de cor gris medio, con camisa branca, chaleco e gravata, foi a súa foto a que acaparou titulares en todo o mundo e chamou a atención, entre outros, de Neymar, Kun Agüero, Deco, Chino Darín e Miguel Granados, que recorreron á gabanza para destacar, con humor, o cambio de look do astro arxentino.
"Nunca te vin tan guapo", escribiulle neymar entre emoticonos de risas. "Pero que belo...", comentou na mesma liña o Kun Agüero con sorna.
