O xornalista deportivo Pipi Estrada, colaborador de O Chiringuito, protagonizou na noite deste martes un desagradable erro ao anunciar en Twitter a morte de Michael Robinson, comentarista de Movistar e da Cadea Ser e que antes foi xogador do Liverpool e o Osasuna, entre outros equipos.
"Un bico enorme para a familia de Michael Robinson. D.E.P.", escribía Estrada. Foi o propio Michael Robinson o que saíu a desmentir a noticia. "Para todos os que estades a preguntar, dicirvos que sigo na loita. Moitas grazas polo voso interese e as vosas mostras de agarimo", escribiu.
Para todos los que estáis preguntando deciros que sigo en lucha💪💪
— Michael Robinson (@michaelrobinson) April 21, 2020
Muchas gracias a todos por vuestro interés y vuestras muestras de cariño. Veo que nunca caminaré solo, os escucho como en Anfield: “You’ll never walk alone”
Gracias de corazón y mucho ánimo en el confinamiento
"Vexo que nunca camiñarei só, escóitovos como en Anfield: You'll never walk alone. Grazas de corazón e moito ánimo no confinamento", engadiu o inglés, que loita contra un cancro desde hai uns meses.
Estrada retirou o tuit pouco despois, pero non se lilbró dunha chea de reaccións nas redes sociais contra da súa actitude