domingo. 24.01.2021 |
El tiempo
domingo. 24.01.2021
El tiempo

A pontevedresa Paula Dapena négase a homenaxear a Maradona

Paula Dapena, de costas no minuto de silencio por Maradona. TWITTER (\<sent\>RCDeportivo)
Paula Dapena, de costas no minuto de silencio por Maradona. TWITTER (\<sent\>RCDeportivo)
Deu as costas durante o minuto de silencio do amigable entre as Viaxes Interrías e o Deportivo

A pontevedresa Paula Dapena, xogadora do Viaxes Interrías, converteuse nunha das protagonistas deste domingo no deporte. A súa negativa a homenaxear a Maradona no minuto de silencio que se gardou no amigable que enfrontou ao seu equipo contra o Deportivo en Riazor levouna ás portadas da prensa deportiva de todo o país. 

A xogadora, fiel ás súas ideas feministas, púxose de costas durante o minuto de silencio ao non entender que se lle faga unha homenaxe a un "violador, pedófilo, puteiro e maltratador", como dixo en declaracións Pontevedra Viva.

A acción de Dapena, neta de Cholo, histórico do Pontevedra do Hai que Roelo, gañouse moitos aplausos este domingo nas redes sociais. "Avanzaches anos na loita por sentarte nun minuto de silencio",  escribía un usuario de Twitter.

Tamén houbo quen a criticou e incluso celebrou que o seu equipo, o Viaxes Interrías, de Primeira Nacional, perdese por 10-0 no amigable contra o Deportivo, da liga Iberdrola. 

A pontevedresa Paula Dapena négase a homenaxear a Maradona
comentarios