O español Javier Gómez Noya proclamouse campeón do medio Ironman Half Challenge de Wanaka (Nova Zelandia). A proba, que constaba de 2 quilómetros de natación, 90 de ciclismo e 21 a pé foi dominada polo triatleta galego, que inicia así esta tempada con éxito.
Wanaka atópase no interior da illa sur de Nova Zelandia, e alí Gómez Noya xa estivera entrenándose outras pretemporadas aproveitando que é verán e as boas condicións do lugar en canto a estradas e pistas, informa o seu gabinete de comunicación.
Tras acabar a tempada 2017 en novembro no Medio Ironman de Bahrein, Javier non comezara a adestrarse con regularidade ata a súa chegada a Nova Zelandia o 6 de xaneiro.
"Atopeime mellor do que esperaba ao levar pouco adestramento en 2018"
Na proba de natación, unha volta con forma cuadrangular no lago, Gómez Noya estivo no grupo de na cabeza, tocando terra en terceira posición. Logo, os 90 quilómetros ciclistas, tamén a unha volta con perfil ondulado, non foron determinantes e ata oito triatletas chegaron á segunda transición separados por apenas medio minuto.
Na segunda transición, Gómez Noya foi o máis lento dos oito. Os 21 quilómetros desenvolvíanse case todos por pistas de terra con tobogáns, de ahí que non fose fácil levar un ritmo uniforme.
No quilómetro 2 xa se colocara terceiro, a uns 40 segundos dos locais Dougal Allan e Braden Currie. Non tardaría en superar a Allan (quen ao final acabaría quinto a más de 5 minutos), pero en cambio Currie mantívose na cabeza varios quilómetros más.
Javier tivo que empregarse a lume de biqueira para alcanzalo cara á metade, pero sen poder despegarse del con facilidade. O neozelandés, especialista en media e longa distancia, gañara este triatlón en 2013, e en 2017 impúxose no Ironman de Nova Zelandia.
Cara ao kilómetro 15, Gómez Noya puido deixar atrás o seu último rival, pero sen que a distancia fose nunca superior a 100 metros. Ao final foron 17 segundos a diferenza en meta, empregando en total 3h57:15. Terceiro foi o estadounidense Jesse Thomas (gañador entre outros do Ironman Lanzarote 2016) que chegou a 2 minutos.
"Estou moi contento por gañar este triatlón nunha zona que tanto me gusta. Atopeime mellor do que esperaba ao levar pouco adestramento en 2018 e Currie obrigoume a dalo todo na terceira fase", dixo Gómez Noya.
"Poida que sexa o percorrido a pé más duro no que competín en toda a miña vida polo desnivel. Facer 1h12: indica que a lume de biqueira que tivemos que correr", engadiu Gómez Noya, que volverá a Españá finais de febreiro, e que ten previsto competir a continuación no triatlón de Cannes, o 29 de abril, también sobre media distancia.
