Sanidade confirma seis positivos no Fuenlabrada

Cinco deles viaxaron xa contaxiados desde Madrid
Proc/JFIF/EFE-Calidad:Excelente
photo_camera Xogadores do Fuenlabrada, camiño da Coruña. EFE

O xerente da área sanitaria da Coruña, Luís Verde Remeseiro, confirmou que seis membros da expedición do Club de Fútbol Fuenlabrada deron positivo nas probas PCR practicadas na mañá deste martes. Deles, cinco coinciden coa "listaxe inicialmente facilitada polo club", co que xa estaban contaxiados antes de viaxar a Galicia, pero o restante non estaba incluído na relación de infectados por Covid-19 facilitada polo club madrileño.

En declaracións aos medios na tarde deste martes nA Coruña, Verde non aclarou se as persoas infectadas corresponden a xogadores ou membros da expedición.

Así, apuntou que ao longo da mañá do mércores procederase a completar o estudo serológico para coñecer o estado inmunológico dos afectados e para analizar a "discordancia" entre os datos.

Deste xeito, os membros do Fuenlabrada desprazados á Coruña para o partido contra o Deportivo finalmente suspendido deberán permanecer illados no Hotel Finisterre da cidade herculina, aínda que aínda non está decidido onde pasarán o resto da corentena. As autoridades sanitarias de Galicia e Madrid manteñen conversacións sobre isto último.

Comentarios