A Real Federación Española de Fútbol (RFEF) elixiu a Asemblea Xeral que celebraba este martes para homenaxear a Fabio Soto, o xogador do Coruxo de 17 anos falecido o pasado mes de xullo en Malta.
A RFEF quixo mostrar a Fabio Soto a apertura da Asemblea Xeral na que se sortearon ademais os calendarios das ligas profesionais de fútbol masculinas e femininas.
Deste xeito, quíxose render homenaxe ao mozo deportista incluíndoo nunha peza audiovisual na que se recordaron figuras relacionadas coa asociación falecidas no último ano. No entanto, o momento de recordar ao xogador do club vigués veríase embazado cunha confusión no nome do deportista, dado que na proxección o nome do xogador foi substituído polo de "Fabián".
