O exxogador internacional brasileiro Ronaldinho Gaúcho foi posto en liberdade este luns tras seis meses retido en Paraguai, despois de que o xuíz de garantías aceptase en audiencia preliminar a suspensión condicional do proceso polo que estaba imputado por uso de pasaportes con contido falso.
Ronaldinho, que se presentou nunha das salas do Tribunal de Xustiza cunha gorra negra sobre a cabeza e unha máscara do mesma cor no rostro, deberá doar a un centro médico de Asunción e a outro proxecto social unha suma de 90.000 dólares en concepto de reparación.
O seu irmán, Roberto de Assis Moreira, que tamén foi imputado no mesmo caso, pagará 110.000 dólares, tamén como reparación, e deberá ademais comparecer cada catro meses, e durante dous anos, ante as autoridades xudiciais de Brasil.
Ambos se atopaban en reclusión domiciliaria nun hotel de Asunción desde que o 7 de abril abandonaron a dependencia policial na que estiveron encarcerados desde marzo.
