O exipcio Mohamed Salah non xogará contra o Barcelona este martes o partido de volta da semifinal da liga de Campións, confirmou o técnico do Liverpool, o alemán Jürgen Klopp.
"Está mellor, pero non vai xogar. Non estará dispoñible mañá contra o Barcelona", indicou o adestrador alemán ao comezo da rolda de prensa celebrada no Anfield Stadium de Liverpool.
Salah lesionouse o pasado sábado, no minuto 73 do encontro contra o Newcastle, cando sufriu un golpe na cabeza nun choque coa meta eslovaco Martin Dubravka, que lle obrigou a abandonar o terreo de xogo en padiola.
Klopp asegurou que o dianteiro sufriu "unha conmoción cerebral que non lle permite xogar".