A Volta 2020 disputarase entre o 20 de outubro e o 8 de novembro

A organización da Volta a España fixo públicas as datas da disputa da mesma, que irán desde o 20 de outubro ao 8 de novembro, con inicio en Irún e fina en Madrid. A pandemia do coronavirus provocou unha modificación en todo o calendario do ciclismo mundial. Así, o Xiro Viro de Italia celebrásese entre o 3 e o 25 de outubro. Anteriormente o Tour de Francia quedou fixado entre o 29 de agosto e o 20 de setembro.

Tres etapas da edición da Volta tocarán territorio galego. O 3 de novembro disputarase un crono que se presume decisiva entre Muros e o Miradoiro de Ézaro. Ao día seguinte, Lugo acollerá a saída dunha xornada que finalizará en Ourense logo de 205,8 quilómetros, e o día 5, a etapa comezará en Mos e finalizará no Porto.

Javier Guillén, director da Volta, mostrouse "satisfeito" coas datas definitivas da Volta a España 2020. "Temos que tratar de facer da necesidade unha virtude e aproveitar as oportunidades que nos brinda esta novo paradigma. Gozamos dunha gran posición no calendario e esperamos poder contar cunha participación de excepción", comentou Javier Guillén

Tras a cancelación da saída oficial da Volta'20, inicialmente prevista desde os Países Baixos, Unipublic tomou a decisión de non substituír as tres primeiras etapas e así llo comunicou á Unión Ciclista Internacional, co obxectivo de que o organismo regulador do deporte ciclista puidese traballar na reorganización do calendario coa variable excepcional dunha Volta de 20 días (2 de descanso) e non cos 23 inicialmente previstos.

Con estes cambios, A Volta'20 converterase na máis tardía da súa historia. Celebrada nos seus inicios (1935) nos meses de abril, maio e xuño, foi en 1995 cando Unipublic tomou a decisión de trasladar a proba a finais de verán.

Ata agora, a edición de 2001 ostentaba a marca da edición disputada máis tardíamente no calendario. Ese ano, a rolda española comezou o 8 de setembro cunha contrarreloxo individual en Salamanca e concluíu cunha etapa en liña en Madrid o 30 de setembro.