O consello de administración de Abanca acordou proceder ao pago do dividendo a conta dos beneficios do exercicio 2018 por un importe total bruto de 12,85 millóns de euros ou 0,0057 euros por título. O pago en efectivo realizarase este martes 5 de febreiro.
Segundo informou a entidade á Comisión Nacional do Mercado de Valores (CNMV), o pago en efectivo só poderán recibilo os accionistas que o fosen ás 00,00 horas do pasado 1 de febreiro.
Esta retribución está suxeita a unha retención fiscal do 19% que se aplicará sobre o importe bruto de cada caso en particular.
O acordo foi igualmente notificado a Cecabank, encargada do rexistro contable de valores anotados en conta, que foi nomeada entidade axente de pagos do dividendo.
