sábado. 16.10.2021 |
El tiempo
sábado. 16.10.2021
El tiempo

Así serán os distintivos que os coches de aluguer tipo Uber levarán en Galicia

Atasco. AEP
Atasco. AEP

Os vehículos de aluguer con condutor (VTC) —como os das plataformas Uber ou Cabify— cuxa autorización para operar sexa expedida pola Xunta levarán un distintivo identificativo da súa actividade que resulte visible ao público. Así o recolle o proxecto de orde que a Consellería de Infraestruturas acaba de sacar a información pública, un documento que establece que estes coches terán que levar un vinilo autoadhesivo no parabrisas e outro na parte traseira.  

Adhesivo que deberán levar os VTC en Galicia.A identificación destes operadores responde á demanda do sector do taxi, que ve con preocupación o incremento da competencia que supón a extensión das plataformas dixitais de VTC na comunidade e teme o intrusismo. Ata marzo, a Xunta computaba 265 licenzas de VTC fronte a 3.602 de taxi activas, o que arroxaba un cociente de 13,6 taxis por cada coche de transporte concertado, por baixo do mínimo de 30 que marca a normativa estatal.

Esta viñeta, que se expedirá tras o pago dunha taxa, permitirá ás autoridades "verificar tanto a vixencia da autorización administrativa" —ao deixar constancia da data na que o titular do permiso deberá renovalo— como a matrícula do automóbil.  

O borrador estipula que, unha vez que a orde entre en vigor, os operadores de VTC terán dous meses para facerse cos adhesivos. A lei de medidas fiscais que acompaña os orzamentos galegos de 2018 fixou que non portar o distintivo acarrerá sancións de ata 2.000 euros. Ademais, a Xunta comprometeuse a crear un rexistro público no que se inscribirán os VTC e os taxis.

Así serán os distintivos que os coches de aluguer tipo Uber levarán...
comentarios