viernes. 14.08.2020 |
El tiempo
viernes. 14.08.2020
El tiempo

Os autónomos galegos poderán solicitar desde este martes axudas de ata 1.800 euros

O orzamento total da axuda é de 16 millóns e ofrecerá financiamento do 100 por 100 de determinados gastos correntes. PIXABAY
O orzamento total da axuda é de 16 millóns e ofrecerá financiamento do 100 por 100 de determinados gastos correntes. PIXABAY
O cheque 'Seguimos adiante' está destinado a paliar os efectos da pandemia do Covid-19 na economía

A Xunta publicou este luns no Diario Oficial de Galicia (DOG) a convocatoria do cheque Seguimos Adiante, unha axuda destinada a autónomos de ata 1.800 euros para "a necesaria recuperación da actividade" tras o parón provocado pola pandemia do Covid-19 que se poderá solicitar desde este martes e no prazo dun mes

Así o explicou o conselleiro de Economía, Emprego e Industria, Francisco Conde, durante un webinario no que participou dedicado ás claves para a recuperación económica no contexto actual. Neste sentido, destacou a necesidade de "anticiparse" aos retos e puxo como exemplo o comité de expertos que puxo en marcha o Goberno galego nos últimos meses para articular o plan de reactivación da economía. 

Dentro desta folla de ruta, explicou Conde, atópase a convocatoria do cheque Seguimos Adiante, unha liña dotada dun orzamento total de 16 millóns de euros que ofrecerá financiamento do 100 por 100 –ata un máximo de 1.800 euros– de determinados gastos correntes

Entre eles, segundo detalla a Xunta, están os custos de loxística e transporte de envíos –ata 3 euros por envío–, a presenza en plataformas de em <>e-commerce local, a licenza de uso de software de venda por internet, promoción en redes sociais, gastos de seguridade contra o Covid-19 (como máscaras, luvas, desinfectantes e asesoramento, entre outros) e subministracións e telecomunicacións. 

Concretamente, estas axudas da Consellería de Economía cubrirán os gastos realizados desde a declaración do estado de alarma o 14 de marzo e ata o 31 de decembro do presente ano. 

Os autónomos galegos poderán solicitar desde este martes axudas de...
comentarios