Os desafiuzamentos de vivendas na comunidade galega descenderon un 52,7% no segundo trimestre deste ano respecto ao mesmo período de 2017 debido á folga dos funcionarios da Administración de Xustiza de Galicia, que durou case catro meses.
Así o indican os datos publicados este luns polas estatísticas do Consello Xeral do Poder Xudicial, que mostran que entre abril e xuño deste ano houbo 346 lanzamentos fronte aos 732 do mesmo período de 2017.
"Esta caída débese, polo menos en parte, á folga de funcionarios que de febreiro a maio afectou ao normal servizo da Administración de Xustiza en Galicia", informa o Tribunal Superior de Xustiza nun comunicado.
Do total de desafiuzamentos, 96 foron consecuencia de execucións hipotecarias, fronte 230 un ano antes, o que supón un descenso de 58,3%.
